Eerst bûn ie ’n jonge hond. Ie denkt van alles te wetten…Net van de schoole af, betje’n ondeugend. ’N Betje stoer doen met oe éérstverdiende geld..’N Bult zoep’n, blowen, of ’n betje van beiden..D’n andere dag wéér brak op..De wereld is fantastisch..ie bûnt jong en geweldig.. . ‘N betje vri-jen dût oe zelfvertrouwen toenemm’n en oe puistjes vergett’n. Wie maakt oe wat.. Zorgen bûnt er veur morgen en an morgen denkt wûlle niet.. Dollen met oe vrinden en in’t weekend lekker zoep’n. ’N betje zeuren bi-j oe olders um later bi-j huus te kunnen komm’n en te zeuren um méér zakgeld.. ’N echte puber dus..!!
Muziek mot onbenullig hard uut de spiekers knapp’n, zeuren um ’n brommer (’n Zündapp of ’n Kreidler ) en misschien veur’t eerst ’s vri-jen met ’t meisje uut de stroat ….Ie stoat veur niemand op en hôld veur niemand de deur lös ..maar dan..
Dan kri-jg ie ’n relatie..goat trouwen of hokk’n…ie neukt oe Trendhopper-bedde makkelijk kapot.. misschien komt ‘r kinder.. Ie ziet veur’t éérst rekkeningen en ie mot denken an morgen en oavermorgen en an de morgen noa overmorgen..
Doarmet komt ook de zorgen..Ie nemt ’t leaven serieus…soms TE. Ie hept nog völ te leren, bûnt soms eigenwies en soms goa ie op de bek..Met vallen en opstoan leer ie ’t leaven..Stappen doe je nog af en toe, maar niet te völle..
Soms hôl ie de deur los en zegt Meneer en Mevrouw…
Dan word ie older..Ie mot ’t gemaakt hebb’n..Oe kinder zie je weinig..Werk is hoofdzaak.. Verandering is noodzaak um veuruut te komm’n ..Als oe relatie in stand bli-jft bûn ie ’n uutzondering..Vri-jen doe ie nie meer..(gin tiet..gin zin..) Geld verdienen..Iemand mot ’t toch doen..!
“t Gevoel dat ie ouder wordt kump geleidelijk zegt men…dat is absoluut nie woar..Dat gevoel overvalt oe inééns…Inééns merk ie..’t..Ie kunt oe boek nie méér inhouden, um de jonge deerns te imponereren …Ie trekt oe alles meer an, word soms emotioneel um de kleinste dingen..oe kind is sterker dan oe. Stappen is nog wel leuk, maar ’t herstel duurt zékers 1 dag langer.
Inééns loop ie nie meer zo hard.. Ie vuult pijntjes.. En wanneer ie dat beseft, wet ie dat ’t tiet wurd um oe eigen systeem te veranderen..dan kiek ie terug en weet ie dat ’t nu tiet wurd um te genieten van élke dag en te waarderen met wat ie NU hept….
’t Leaven is wat ie vandage viert..
GoedGoan & AMEN
(Boer Kloete)